Облека за мали деца без штетни адитиви

ДЕТСКА КОЛЕКЦИЈА

Детската облека често се наоѓа на нашата шопинг листа, затоа што најмалите растат брзо и потребна им е нова облека постојано, од маици, панталони, дури и фармерки, а секако кардигани и јакни. Оваа гардероба понекогаш претставува голем трошок па затоа, понекогаш посегнуваме по поевтина. Но дали тоа навистина е најдобриот избор? Евтината облека не само што е направена од понеквалитетни материјали кои штетат на животната средина и особено на лицето кое ги носи, но најчесто и не е најевтина воопшто, затоа што побрзо се уништува. Изреката дека не сме доволно богати да купуваме евтино навистина е точна. Како и да е, цената и не е единствениот критериум - треба да бидете внимателни и пред сѐ добро информирани кога купувате. Затоа, подолу ви претставуваме што значи терминот одржлива облека и зошто ја препорачуваме.

Опасности за вашите најмали

Во текстилната индустрија се користат 3500 различни хемиски соединенија, од кои 750 се штетни по здравјето (21.4%), а 440 се штетни за животната средина (12.6%).

И.... дали знаете дека 1 кг. хемикалии се користат за да се произведе доволно памук за една маица?

Постојат три опасности во текстилната индустрија:
• Опасност по животната средина во која се произведува ткаенината.
• Опасност по животната средина во која ткаенината се носи.
• Опасност по лицето кое ја носи ткаенината. 

Земјите во кои функционира текстилната индустрија се најмногу под ризик: животната средина е загадена, а истовремено, вработените често вдишуваат штетни гасови и работат во несоодветни работни услови. 

Сѐ повеќе се зголемува залагањето за прекин на ваквите практики од страна на текстилните компании. Том Тејлор исто така превзема активности - во рамки на проектот БИДИ ДЕЛ.

Време е за нова ера во модната индустрија, со свесност за влијанието врз животната средина. Затоа, Том Тејлор е свесен за својата одговорност и преку воведување промени во производството на органски памук, направи важни одлуки кои:
• се поеколошки и
• се залагаат за фер плата и подобри услови за работа.

Потрошувачот сѐ уште е кралот - ние сме оние кои ќе го променат светот со купување на добри и квалитетни производи.

Втората опасност која ја споменавме е за нашата животна средина, нашата убава Македонија. Лошите материјали ослободуваат хемикалии во водата кога се перат во машините за перење алишта. Вака, ги загадуваме македонските реки и езера, а истовремено, преку дождовницата, целата животна средина и воздух. 

Влијанието на штетната облека врз децата

Најважното што сакаме да го нагласиме денес е опасноста за вашето дете доколку носи материјали кои се направени на поевтин начин и со големи количини хемикалии.

При избор на облека за момчиња и девојчиња, бидете многу внимателни што купувате и каков тип на детска облека купувате.

Но, ова не е така едноставно - не сите хемикалии се штетни, па мора да сте многу добро информирани. Вашите деца веднаш може да развијат алергиска реакција при контакт со несоодветен материјал, но проголеми се штетите доколку опасноста не е видлива веднаш, туку настапува бавно, вклучувајќи сериозни болести (тумор, рак, Алцхајмерова болест и други).

Мешавината од хемикалии на детската облека може, дури и во мали дози, да влијае врз репродуктивниот систем и хормоналниот баланс кај децата, затоа што тие сѐ уште немаат доволно добро развиен систем за метаболизирање на хемикалиите“, предупредуваат голем број здравствени установи ширум светот.

Хемикалиите како фталати, нефенолски естери, органски станати, перфлурооктан сулфонати, кои истражувањто на Гринпис (Greenpeace) ги пронајде во детската облека, може да го попречат функционирањето на хормоналниот систем (како на пример - тироидната ќлезда и репродуктивните органи), нервниот систем во развој и имунолошкиот систем. Некои од нив исто така може и да се акумулираат во живи суштества. Во секој случај, како и со многу други хемикалии, потребна е доволно голема доза за да имаат штетен ефект.

Вештачките бои се исто така многу штетни, затоа што имаат најголемо влијание врз нервниот систем и хормоналниот баланс во телото, а некои од нив предизвикуваат и  кожни болести или болести на респираторниот тракт.

Во секој случај, перењето на алиштата ги измива овие штетни хемикалии (ја загадуваме животната средина!) и затоа е задолжително секогаш да ја переме новата облека.

Исто така треба да бидеме внимателни и при употреба на прашоци за перење и омекнувачи - користете органски детергент во умерени количини.

БИДИ ЗА одржлива облека

Ајде да бидеме ЗА поодржлива мода со Том Тејлор облеката:

Бидете ЗА ПОМАЛКУ: Производите од колекцијата се направени од органски памук, за кој се потребни 88% помалку вода и 62% помалку енергија при производство во споредба со производството на фармерки од конвенционален памук. Потребна е многу вода за да се направи детска јакна, а Том Тејлор ја реупотребува водата за да ја направи вистинската деним сина нијанса на боја. И тоа 98% од водата!

Исто така, ја користи и техниката “озонско измивање“ (измивање со озон за кое воопшто не се употребува вода) - на овој начин Том Тејлор ги креира фармерките со “износен“ ефект, кои се популарни кај вашите тинејџери.

Бидете ЗА ПОДОБРО: Подобрите материјали кои не ја загадуваат животната средина се исто така и нежни кон детската кожа. Овие материјали се органскиот памук, органската вискоза и рециклираниот полиестер. Рециклираниот полиестер е направен од употребени шишиња и отпад, на кои на овој начин им е овозможена реупотреба.

Бидете ЗА ФЕР: За фер работа, за здрава работна средина, како и за почит кон животните. Нашите производи не содржат пердуви од птици, вистинско крзно, школки, кожа од индиски крави или кожа од загрозени видови.

Бидете ЗА ПОВЕЌЕ: За подобар свет. Том Тејлор им помага на семејствата ширум светот да добијат пристап до чиста вода. Затоа велиме дека потрошувачот е кралот кој може да го промени светот. 

ДОЗНАЈТЕ ПОВЕЌЕ: ОДРЖЛИВА ОБЛЕКА ЗА ДЕЦА И ТИНЕЈЏЕРИ.

Само најдоброто за нашите деца

Им го овозможуваме најдоброто и затоа сме внимателни што им купуваме да носат цел ден. Особено со децата кои растат и се поприемливи, важно е да се грижиме за нив и да им овозможиме квалитетна облека.

Одржливата облека се произведува на одржлив начин, но истовремено без примесите кои се штетни за детската кожа.

За вашите деца, без разлика дали одбирате јакна или маица за девојчиња, маица или фармерки за момчиња, одберете квалитет. Материјали кои се удобни. Пред сѐ, одржливата облека не се оштетува толку брзо, па не морате да ја купувате во толку големи количини.

Помалку е повеќе, рекла Коко Шанел, затоа купувајте помалку продукти, но најдобрите.

Одвоете време при шопинг за да го проверите составот и начинот на производство и направете го светот подобро место за живеење!

Ве покануваме да станете дел од нашето големо Том Тејлор семејство и да добиете голем број поволности и совети во текот на годината!